طنز اجتماعي
عزیزیم چیلله کی اولدو ، گؤزه تله قارپیزا باخما
اونون کی قیمتین گؤردون ، گؤزه تله ساغ – سولا آخما
قیلینجین چک گینان اوینات ، ولاکین قارپیزا تاخما
او قورخارسا چیخار دوم آغ ، اونا سن گل قره یاخما
سنین چین کاش اولا شیرین تامام روزگار دوستوم
بزه ک وئر قارپیزا سان کی اودا بیر خیردا قوربان دی
اينصاف دي مگر قارپيز آلاق لبلبي چـــيخسين ؟
ايل ده نئچه يول بو باهاليق يوخسولو ييخسين ؟
اينصاف دي مگر تاجير عمي هئي باها ساتسين؟
بير هفته ايچينده كيشي ني يوك ياپي چاتسين؟
۱- گئجه اودونا گئدن چوخ اولار
سؤز دانيشماق چوخ راحاتدير ، ايشله ماق آمما چتين
دادمايينجا بيلمه سن ، آلمايلا حئيوا لذّتين
بوشقاب ايچره شب چره ، قيشلار فيزيب دير كورسوده
تر باسيب اوزخاللانيب،ايستيركي ايچسين شربتي ( ادامه شعر در ادامه مطلب )
۲- اونو دا سن دئييرسن
ياديما دوشدو بالا بير داستان
نقل ائله ين كيمسه دي بيلمم اينان
سان كي دئييبلر اوزامان بير شاهين
طوطوسو واريميش نه گؤزه ل خوش زبان ( ادامه شعر در ادامه مطلب )
۳- اوغلان اودور كي دايانا بوردا پاك!
كيم نه دئير ويرسام اگر بير دانا
كوچه ده سوم – سوم دولانان اوغلانا ؟
لش ايي گلجك جومورو اوستونه
سان كي پيشيك دير كي چيخيب جولانا ( ادامه شعر در ادامه مطلب )
««شيفاهي ائل ادبياتيندان آتالار سؤزلرينين نظمه چكيلميش لري»»
((1))
« اوغلان اودور كي دايانا بوردا پاك! »
كيم نه دئير ويرسام اگر بير دانا
كوچه ده سوم – سوم دولانان اوغلانا ؟
لش ايي گلجك جومورو اوستونه
سان كي پيشيك دير كي چيخيب جولانا
چيخ خيياواندا نظر ائت گل گئده
گؤر نئجه بنزير جاواني قيلمانا
قاشلاريني آلديريب اوغلان نئجه
ساچلاري حتمن دي گره ك باغلانا
قيزلارينين هر بيري بير حورودور
طعنه ويرير گؤزلري ده جئيرانا
بير ماتيگي بير دفه ده ايشله ديب
قوخما دئنه لعنت اولا شئيطانا
سان كي ايلاندير بئله خوش خطّ و خال
رخنه سالير هر نه كي برك ايمانا
ساققيزي آغزيندا وئرير ساغ – سولا
آختارير البتّه بيرين فيرلانا
مرد ايگيد ايستير كي اونا اويمايا
يئتدي ساحات دا او اگر قيرجانا
سؤز – سؤزو گتدي دئمك آرشين بئزي
واردي حيكايت ائشيدن حاللانا :
اسكي زامان لاردا دئييبلر ياواش
بير آوادانليق داايميش جوت آداش
معبده گيرميشدي اولاردان بيري
اوج – اوجا باغليردي دئمك تكبيري
صوبح قيلاردي نامازين بئش دؤنه
هئچ اينامين شمعيني قويماز سؤنه
ايش – گوجو اولموشدو كي حمد و ثنا
باش آغاريب ساققالا قويموش حنا
بيردن اولاردي نامازي يوز ركعت
تك سوموك اولموشدو داها يوخدو ات
صوبحه كيمي سجده ده هئي نافيله
لعنت ائدردي دئمه لي غافيله
نفسيني باسميشدي مسيحايه تاي
اللي ني سووموشدو ياشيردي سوباي
قوي دئييم آمما بالاجا قارداشي
زرگريميش اوستا نه ايسه ناشي
دول ــ بوشال ايدي توكاني آخ نئجه
صوبح دن ايشلردي دئمك تاگئجه
ماليك ايدي نفسينه يومموش گؤزون
هاممي اينانميشدي اؤزون هم سؤزون
بير كره گلدي آداشين يوخلاسين
حؤرمتي واجيبدي گره ك ساخلاسين
ائلدن اوزاق گؤردو ياشير قارداشي
زوهّاد ايچينده او اولوب تاي باشي!
چوخلو خوسانلاشديلا بيرگه دئمك
قوللوق اوچون كي يوخودو هئچ يئمك
باشلادي زاهيد كي : « گؤرورسن نئجه
صوبح ائديرم سجده ايچينده گئجه؟
ذرّه بطالت له سوووشماز گونوم
كيمسه بو يولدا اولا بيلمز گونوم»
بوللوجا تعريف ائله دي اؤز – اؤزون
قارداشي تاييد ائله دي هر سؤزون
سؤيله دي آخير ده ولي آي داداش
اولسا اگر سن ده بيزه گل ياواش
يوخلا بيزي بير سيله يي رحم ائت
بير بيزه باش وير سورا هئچ دورما گئت
گؤر كي نئجه بيز ياشيريق شهرده
شهد ده واردير اورادا زهر ده
بير نئچه گوندن سورا دوردو حاجي
تقوادان البته باشندا تاجي
دوشدو يولا قارداشيني يوخلاسين
حتمي ده وار كي او بونو حاخلاسين
تاپدي توكاني دئدي قارداش سالام
عهديمه قيلديم وفا گلديم قالام
بير ايكي گون كئچدي بو سؤزدن دئمك
گؤردو نئجه بولدو ايچيم هم يئمك
بير گون اوتورموشدو توكاندا حاجي
قارداشي عرض ائيله دي باشيم تاجي
بير بالا ايش واردي گئديم تئز گليم
موشتري گلسه يولا سال آي سليم
حاجي دئدي گئت سنه قوربان جانيم
گلدي او ساعت ده اورا بير خانيم
باش دان آياغه هونري غمزه دي
حاجي قير ات دي بو كئچل حمزه دي
دوردو دانيشسين دوداغي قاچدي بير
چادرانين آغزين دا ياواش آچدي بير
دار بولوز آلتدان گؤرونوردو ناري
آج تويوغا سانكي سپيلدي داري
ايسته دي بير قول باغي تاخسين قولا
حاجي ني ترپه ت دي او ساغ دان سولا
گؤردو گوموش تك قولو اويدو حاجي
سؤله دي گل بير پيروب ائت آي باجي !
قول باغيني بير قولووا باغلاسن
زاهيد بيچاره ني بير داغلاسن!
ايسته دي تاخسين قولونا قول باغي
رف ده پياله چؤنوب آشدي ياغي
سن دئمه رف ده پيالا ياغ دا وار
كيمسه يول آزسا اونو آلله جالار
گلدي او ساعت ده كيچيك قارداشي
سؤيله دي هئيهات كي سن سن ناشي
چؤل ده چنين ايش دئييلي پاك ناپاك
اوغلان اودور كي دايانا بوردا پاك
نظمه چكيب دير بو لاري آممي
بلكه ده اولسون بو قارانليق شمي
((2))
« گئجه اودونا گئدن چوخ اولار …»
سؤز دانيشماق چوخ راحاتدير ، ايشله ماق آمما چتين
دادمايينجا بيلمه سن ، آلمايلا حئيوا لذّتين
بوشقاب ايچره شب چره ، قيشلار فيزيب دير كورسوده
تر باسيب اوزخاللانيب،ايستيركي ايچسين شربتين
سؤز – سؤزو ، آرشين بئزي گتديكده اوغلان سؤيله يير
«من مهيّا ائيله رم هر بير زادين بو ميللتين!!»
« صوبح دورّام اويغودان ، حاضيرلارام اسبابيمي
ايش بيله ن تئز ترپه نه ر ، الدن كي وئرمز فورصتين
سازلارام هر بير شئيي ، آماده اوللام گئتمه يه
بو نه دير ؟ ايپ دير – تبر ! حتّا گتيررم كلوتين
سيز صاباح مندن آلين ، پونجوز نه فدر ايستير اودون
بير قاتيندان واز كئچين ، ييغ پونجه دولدور جوت قتين!»
القرض انگي قيزيبسا ، يئتدي باعدان باغلايير
ساخلايير البتّه ، مجليس اهلينين ده حؤرمتين
صوبح اولور بانلير خوروز ، ايستير طلوع ائتسين گونش
ويرنيخير ، آچمير گؤزون ، گويا اونودموش صؤحبتين
بير گؤز آلتي سئير ائلير ، گويا آلا چرپو گلير
قيش آچيب دستر خانين ، داغلار دا اؤرتوب چرقه تين
سؤيله يير آرام ديل آلتي ، من دَييشمم دونيا دا
ايندي كورسو آلتي ايله ، كولّ دونيا ثروتين
بير طرف دن ده وئريب سؤز ، چيخماق اولماز قول دان
قيرماق اولماز دوسلاريلا ، اللي ايلليك اولفتين
فيكر ائدير بس نئيله سين ، بيرسؤز گره ك تاپسين دئسين
يوخسا سؤيلرلر بوتون ، بد فول دير بو تون به تين !
سؤيله يير «ايپ قيسسا دير!، يوخساسؤزوم اوسته وارام»
زورلودان اوستون بيلين سيز ، تنبل اوغلو فودرتين
ايسته يير منظوم ائده ، ائل دن قالان داستانلاري
آد ممي شؤهرت رحيمي ، گؤزله قاتما خلوتين!! .
((3))
« اوندا سن دئييرسن »
ياديما دوشدو بالا بير داستان
نقل ائله ين كيمسه دي بيلمم اينان
سان كي دئييبلر اوزامان بير شاهين
طوطوسو واريميش نه گؤزه ل خوش زبان
بير يئله يي آبي او بيرسي ياشيل
قويروغو سانكي يئني رنگين كمان
هر نه دئسه يدين اونو تيكرار ائديب
عادتي اولموشدو دا نوطق و بيان
سئوگيلي اولموشدو دئمك شاه اوچون
سان كي اونون جيسمينه اولموشدو جان
امر ائله دي جار چكه لر بير سحر
«كيمدي بيزيم طوطوموزو ساخلايان؟
هر كيم اونو ساخلايا واردير اَنام ي
وخسا گؤزه – گؤزدو عمي جانه جان!»
بير يازيغي توولادي دونيا مالي
اولدو دئمك طوطوايله همزبان
شاهين ايشي اولموشودو هر سحر
طوطونون احواليني آلسين خبر
نئيله ييري ؟ نه يئييري ؟ نه ايچير؟
طوطوسونون احوالاتي خوش كئچير؟
طوطوبيگي ، ايشلريني بير به بير
گونده ساياردي ، نه يئيير نه ايچير
ايل دولانير آي دولانير ياي گلير
طوطو وريندن دئيه سن واي گلير
بعلي ، دئمك طوطو اؤلور القرض
من نه بيليم بلكه واريميش مرض
طوطو بيگين بير باشي اولور جوت الي
بيلسه بو نو شاه اولاجاقدير دلي!
هر گونه تاي شاه سوروشور طوطودان
طوطوبيگي باشلاييري صوت دان
من نه دئييم ؟ نه دانيشير نه دينير
نه سو ايچير ، نه بالاجا دن يئيير
ديمديگي يئرده دا نفس چكمه يير
ال كي ويريرسان داها ترپشمه يير
گؤزلري داي اويناميري ساغ سولا
بوللو قاريشقا داراشيب قيچ – قولا
شاه دئييري: « بير دفه ليك دئ اؤلوب
جيسميني حتمن كي جانيندان بؤلوب ! »
طوطوبيي ايسته يير اولسون سونو :
« من دئميرم سيز بويورورسوز اونو»
ساغ ياشاسينلار بوتون ائللر جمي
ان كيچيكيز دير بو تبريز لي ممي
اوقات فراغت
بير عيدده يه تعطيلات اولوبدور يئني فورصت اوقات فراغت
بالدان دا شيرين دير اولارا سان كي شكر – قت اوقات فراغت
فوتبال كيلاسي هئي قورولور شهرده جوت جوت هئي اؤيرديري شوت
بئش دن يوخاري ياشليلاري ائيلري دعوت اوقات فراغت
چرخين گؤتوروب بيرنئچه سي گؤر نئجه ياغلير در - دفتري باغــــلير دوستوندان آلير چرخي سورنده نئجه سيبقت اوقات فراغت
ايستخره يازيبدير آديني ايستيري اوزسون سو آلتينا سوزسون
اوزگونچو اولوبدور بو ايشه ائيله دي هوممت اوقات فراغت
احمد گئدير ي خط كيلاسيندا يازي يازسين بيكارليــــــغي قازسين
ايستير كي يازاندا ائله سين ياخشي كيتابت اوقات فراغت
اوغلانلارين آمما بيليسن دونياسي توپ دي سانما ده ده گوپ دي
گول دا دوروري ، گول دا يئيير ائيله ييب عادت اوقات فراغت
قيزلار كي آليبلار قوجاغا بير بالا قولچاق البتّه اويـــونـــچــــاق
قولچاغينا دؤكتور كيمي ائيلير او طبابت اوقات فراغت
نققاشي كيلاسيندا حسن يازديريب آدين اوستادي دي قادين
اؤيرنملي دير بو هونر ايچره نه ظرافت اوقات فراغت
فرخنده ده رايانه كيلاسيندا دي مشغول هئي خشله ييري پول
اينترنئتيله گؤر هارايا ائتـــــــــــدي ايثابت اوقات فراغت
اكبر ده آلير خيردا چؤره ك داشقاسي اوسته آي لبلــــري پوسته
دولسا تليسي اوندا اولار عين سعادت اوقات فراغت
سجّاده آليبدير آناســـــــــي خيردا ترازي بلكه اولا راضــــــي
گؤركي آدامي يوخلويورو او نئجه راحت اوقات فراغت
عسگرده آليبدير دئمه لي واكس لا فيرچا بير خيرداجا خونچــا
او ائل گؤلو ده واكس ويرار ، پيس ديي بابت اوقات فراغت
يوخ دور آتاسي ايسماييلين گؤر نئجه آغلير لاپ قلبيمي داغلير
مجبـــوردو بازاردا دولانا بير نئچه ساعت اوقات فراغت
گاهي ساتاجاق پوفله مه جه گاهي دا ساققيز يالقيزدي بو يالقــيز
ائو خرجينه يارديم ائله يير ائتمه شماتت اوقات فراغت
گاه بوز شووره ن گاهي دا ائيران ساتيري او هئي سو قاتيري او
قورتارمالي دير موشتري ده اولسا كرامت اوقات فراغت
آنجاق هره بير جور قاتيري باشيني ياي دا يوخ دور بئله قايــدا
چوخلاري دا گؤزلور كي گؤره نئيليري دولت اوقات فراغت
ياي كي سوووشار بير داها مكتبلر آچارلار گوللر آچيــــــــــلارلار
«تبريزلي ممي» بيرده يازار اولسا عينايت اوقات فراغت
بيزيم محلّه ده !
درين دي قويو دان جولا ، اينان بيزيم محلّه ده !
اگر كي گزمك ايستيسن ، بوراخ فيرنگي ، خاريجي
سحر كئچــــــيرديلر رژه پياده روو دا اللي سي
نه قدر ساغ دي قونشوسو بورون بوزَر وَ يان كئچر
بيرين كي گؤردولردوشوب،تپيك ويرارلار اوستونه
ويرارلا جوقا كوچه ده ، قادين لار اَيله شر يئره
نه ايسه قيز دي حورودور ، تامام قيلمان اوغلاني
نسيم گؤرمه ييب بورا ، اسه ر قشنگ زيبيللي يئل
دولوب دوزيرـ زيبيل بوتون،قنوو لاريندايوخ دو يئر
بير آيري تابلو ويرديلار ، بو دا بير آيري بانك دير
آدين قويوب موسولمانام ،روبايئييركورول – كورول
حامام يات اوينايار اوشاق ، دئير ديل آلتي دوستونا
قديمي بير اويون دو بو ، قوميله اويناريق اونو
واريدي ان قديم زامان خوخان بيزيم محلّه ده !
دييه رديلر اوشاقلارا قارانليق اولجاغين ييغــــــــيش
اوشاقليغي ، جاوانليغي دا قورخا قورخا سووموشــــوق
محلّه داعواسين گؤره ن بيله ر كي من نه سؤيلـــوره م
اويونلاري سايانمارام چوخون دئمك اونودمــــــوشام
قاليبدي ذهن ده قاچان - قاچان بيزيم مـــحلّه ده !
اووولداياردي كيمسه كي اوتوزدو اؤز قــــــازاندي دا
پهلوي لر گلن زامان جيريلدي چوخلو چـــــــادرالار
بيزيم محلّه اوندالار صفالي ايدي چـــــــــوخ گؤزه ل
ناخوشلاسايدي بير نفر بيلـــردي قونشــــولار بوتون
چوخ ايدي اوندا بير – بيرين قانان بيــــزيم محلّه ده !
اوزاتما چوخ سؤزو ممي اولان اولوب ، كئچن كئچيب
تنديري ايستي گؤرجه يــين دا استخـــــاره ائتمه يير
اولور گؤزه ل چؤره كلرين ياپان بـــــيزيم محلّه ده !
سن ايسه سفره آچ دؤشه ، نيازي يــوخ تعارفه
يازيخ خوروز ها بانلادي بيرين اويالدا بيلمه دي
ويرار يئره اكينچي ني ، سْپْر بئلي – سينار قولو
صداقـــــــته دا موشتري تاپيلمايير بو اؤلكه ده
تيكيرله بورجونان آپارتومان بيزيم محلّـــــه ده !
حيت لري اوچورتماغا ، نه چوخ اولوب اينان بوگون
آلان بيزيم محلّه ده ! ســـــــــاتان بيزيم محلّه ده !
فشار زنــــــــــدگانليغي تحمل ائيله يير كيشي
دا باخميري دامارداكي قانا وَ انصاف ائيله مير
توتك چالان لارين ايشي قاباق دي ايندي دو نيادا
يازيخ بو ««تبريزلي ممي»» دئييركي من ده شاعيره م!
قيزيل ديشين ماجراسي
بير رند جهان ديده ، آلميشدي اله دوربون
گؤردو بيري نين لاغزين ، پارلير نئجه ده دوزگون
هر بير ديشي بير سيككه ، زرگر خانا دير آغزي
بير نقشه چكيب ايستير، بلكه ائيله يه راضي
سؤيلور داداشيم آللاه ، عؤمرون ائله سين آرتيق
هئيهات مني بيلمه ، هئچ ده آغيزي ييرتيق
آمما بونوسن بيل كي ، بير گون اؤله جك هر كس
چيخسا جاني چؤللرده ، جيسمين يئيه جك كركس
يوخ ائوده اگر اؤلسه ، حتمن كي آشي پيشدي
قويمازلا كي قويلانسين ،آغزيندا قيزيل ديش دي
حتمندي قيزيل ديش لر،آغزيندان اونون چيخسين
يوخسا قبيرين حققي ، واردير كي اونو سيخسين
تازه ايه ده چيخدي ، واريث گؤتوروب خشله ر
دويدورمازاونون قارنين ، كوپ لركوز ه لر فرشلر
آمما سنه بير حاق سؤز ، من عرض ائله ييم حاخلا
يوخ حاخلاماسان دوستوم،گئت باشيوي قوي يوخلا
من موشتري يم هر نه ، آغزيندا قيزيل ديش وار
نقدن پولونو آل كي ، بوندا گؤزه ليم ايش وار
قيمت دئنه نغ پول آل ، ياساخلا يا دا خشله
عؤمرون نه قدر واردير ، هرنه سؤيوسن ديشله
بير اوققده ديل تؤكدو،راضي اولدو قيزيل ديشلي
يازديرديلا بير مكتوب ، ساليم ديله يا پيشلي ؟
تئعداديني دا يازدي ، اوندان نئچه سي آغ دي ؟
ديش لر قالاجاق اوندا ، هر نققده كي ساغ دي !
ديش صابي سئوينمك ده:آل وئرده به تر اوتدوم
ديش لرله تله قوردوم ، گؤركي نئجه اوو توتدوم!
بير هفته كئچر كئچمه ز ، گلميش بيري رينديله
ديش صابينا سؤيلور لر : ائي واي حاجي عفو ائيله !
پول لازيميدي ساتديم ، من ديشلري بو شخصه
زحمتدي بير آغزين آچ، باخسين داداشيم جينسه!
ديش صابي قاليبديرمات ،آل وئرهله باش توتمور
آغزيندان آخير ياشي ، حيرصيندن اونو اوتمور
بير گون كئچه رك آيري ، بير موشتري امر ائيلير
آچ آغزيوي گؤر زرگر، ايندي سنيله نئيلير؟
زرگر دئمه لي ايستير ، جينسين عيارين بيلسين
چكسين محكه اوول ، سونرا اونو بير سيلسين
آنجاق گتيرير گونده ، بير موشتري ني ساتسين
ديش صابي مجال تاپمير، بير آن گئجه ده ياتسين
هردن گتيرير بير شئي : زحمتدي بونو ديشله !
قويما كوته له ديش لر، هر دن ده بير آز ايشله
سينديرما بادام پوسته ، يوخسا ديشيوي لاخلار
ديشلرده امانت دير ، مؤمون اونو خوش ساخلار
اوقدر وئرير زحمت ، ديش صابي دويور جاندان
ايستير كي اؤزو آلسين ، ايندي ديشيني اوندان
چوخلو ويريلير چانه ، انگي يورولور آنجاق
هم نفع وئرير رينده ، هم ده چكيري دانلاق
اينساني تاماح ائيله ر ، روسوا هر ايكي دونيا
تبريزلي ممي چكدي نظمه بو سؤزو گويا ! .
قويما كيتاب باغلانسين
آمانين بير گونو دور قويما سازيم پاسلانسين
ياكي شيطان تورو هر بير سيمينه آسلانسين
سازيمين تئللري گويا كي اوره ك بندي ديلر
نه تهر زخمه وورورسان كي اوره ك آز يانسين
مين چتين ليكله اوره ك گوزگوسونو سيلميشديم
رحمون اولسون داها قويما تازادان كاسلانسين
اوره گيم بولبولو تازه ديل آچيب سوز دئيير ي
ديلي آغزيندا نه دن اود توتوبان اودلانسين ؟
هله بير سوز دئمه ييب كي قولاغيندان بوروسان
قوي باشي باشلار ايچينده هله بير قوزانسين
قوي دوشنسين بوتوكان بيرجه گوره ك جينسي نه دير
چوخلو تئز دير بو توكان آچيلماميش باغلانسين
سوز دئمك چاغلاريمين گوللو چيچك يازلاري دير
گور روادير كي كولك قوپوب باغيم قارلانسين ؟
اليمه ايندي ميداد توتماغي من اويره نيره م
نئجه اينصاف ائله يير سن كي حاليم كورلانسين ؟
من بو سوز جئيراني ني تازه چيخاتديم سووارام
بير آغيز سو ايچمه ييبدير ، تشنه لب اوخلانسين ؟
آي ممي سن دئه سوزون ياز كيتابا قوي قالسين
سوز سوز اولسا ،قالاجاق قويما كيتاب باغلانسين
بعضي شاطيرلارا خيطاب
شاطير اوغلان سنه يوخدور مو بيري ديللنسين ؟
اورتا يانميش ، قيراغي خميرلره زيللنسين ؟
بئش دانا لازيم اولان آلمالي دير اون بئشيــــني
يـاري سيندان يوخاري تليس لره تللنسين
نه هامار يئردي بو يئر ! سن كوره كيله بــــئلله
يوموشاق يئرده گره ك بير بئليله بئللنسين
نعمتين قدريني بيل ، نعمته كوفران ائـــــله مه
ييخما نعمت داميني قويما ديره ك شللنسين
قافاسين دولدوروسان دوزيله ، بيچاره خمـــير
فورصتي يوخدو اونون كي يئتيشيب،اللنسين
چوخلو يارديم اولونور خالق جيبيندن چوره يه
شاطيرين بورنودئمك نه واختادك يئللنسين؟
گاهي آشپز باشي تك باشينا آغ بورك قويـور
ايسته مير ساچلاريني بير داها سـونبوللنسين
آمما آغزيندا كي سيغار كولو خاشخاش يئرينه
سپيلير كي كوره ك اوسته خميري كوللنسين
كاركاسيب موشتري نين كي نه تهر اولسا اولوب
تانيشين كين دئنه وردسته بيرآزگوللنسين
هئچ بير اوغلان دييه بيلمز گؤزون اوسته قاش وار
كيمسه جرات ائله سه،شوتله كؤيه ميللنسين
قوي گوده لسين گونو گوندن چؤره يين ائن بويودا
چوخ چوبانلار سو قاتيب دير سوته حددن آرتيق
واي اوگوندن كي سولار توپلانيبان سئللنسين
سن ده تبريزلي ممي گل سؤزه قويروق بزه مه
آغزيوي باغلا گينان قوي قاپي ايشگيللنسين
سؤزلريم كال بئيينه ائيله ر اثر؟
توربادان همده آخيردان يئييري
خئيردن قاچمادادير ائيليري شر
نه يئتيم مالي بيلير نه آلاهي
پايي آزدوشسه اولور چوخدا پكر
حتي رحم ائيله ميري دول قادينا
روزوسون رحم سيز البته كسر
نه دي بيلمير عؤمورو ائتدي هدر؟
بورجوواردير يئنه ده ويلاسالير
آغا دؤكتوردي ولي آل وئر ائدير
نييه بس تك آغادان سؤيله ييسن؟
باخ قولاخ دا نئچه جور حلقه سي وار
نييه دويمور بو بشر؟
شهوتين احوالي دا لاپ ائله دير
پري دن باشقا آلير شمسي ـ قمر
سؤز سؤزه گلسه دئير شرعي دي بو
يئتدي سيندن آز اولا يوخدو ثمر !
تكجه كي زر دييري ، زور دا ائله
بير ميزه قانع اولور مشدي صفر؟!
آقانين بيرباشي وار مين خيالي
ميز دؤشوندن بئله اولدوقجا امه ر!
قوخما دئ قيبله بيلير ميزي آغا
رئيسين گؤردو فنر اولدو كمر!
جوربه جور اولمالي دير ميزلري ده
دسمالين باخ زورونا، وئردي ثمر
بير مقام دان ساري بيلمير نه ائدير
چوخ وده ال بير اولور زوريله زر
زرينن زور كي وئريرلر ال اله
داغينان دا داها دولمور دره لر
تاماهين نه اوجو وار نه بوجاغي
يئل دئييل بو دئنه طوفان دي اسه ر
ممي هر دفعه تاپير بير تازا سؤز
سؤزلري سانكي توخوم دورسپه لر
25/1/87
قيزيل ديشين ماجراسي
بير رند جهان ديده ، آلميشدي اله دوربون
گؤردو بيري نين لاغزين ، پارلير نئجه ده دوزگون
هر بير ديشي بير سيككه ، زرگر خانا دير آغزي
بير نقشه چكيب ايستير، بلكه ائيله يه راضي
سؤيلور داداشيم آللاه ، عؤمرون ائله سين آرتيق
هئيهات مني بيلمه ، هئچ ده آغيزي ييرتيق
آمما بونوسن بيل كي ، بير گون اؤله جك هر كس
چيخسا جاني چؤللرده ، جيسمين يئيه جك كركس
يوخ ائوده اگر اؤلسه ، حتمن كي آشي پيشدي
قويمازلا كي قويلانسين ،آغزيندا قيزيل ديش دي
حتمندي قيزيل ديش لر،آغزيندان اونون چيخسين
يوخسا قبيرين حققي ، واردير كي اونو سيخسين
تازه ايه ده چيخدي ، واريث گؤتوروب خشله ر
دويدورمازاونون قارنين ، كوپ لركوز ه لر فرشلر
آمما سنه بير حاق سؤز ، من عرض ائله ييم حاخلا
يوخ حاخلاماسان دوستوم،گئت باشيوي قوي يوخلا
من موشتري يم هر نه ، آغزيندا قيزيل ديش وار
نقدن پولونو آل كي ، بوندا گؤزه ليم ايش وار
قيمت دئنه نغ پول آل ، ياساخلا يا دا خشله
عؤمرون نه قدر واردير ، هرنه سؤيوسن ديشله
بير اوققده ديل تؤكدو،راضي اولدو قيزيل ديشلي
يازديرديلا بير مكتوب ، ساليم ديله يا پيشلي ؟
تئعداديني دا يازدي ، اوندان نئچه سي آغ دي ؟
ديش لر قالاجاق اوندا ، هر نققده كي ساغ دي !
ديش صابي سئوينمك ده:آل وئرده به تر اوتدوم
ديش لرله تله قوردوم ، گؤركي نئجه اوو توتدوم!
بير هفته كئچر كئچمه ز ، گلميش بيري رينديله
ديش صابينا سؤيلور لر : ائي واي حاجي عفو ائيله !
پول لازيميدي ساتديم ، من ديشلري بو شخصه
زحمتدي بير آغزين آچ، باخسين داداشيم جينسه!
ديش صابي قاليبديرمات ،آل وئرهله باش توتمور
آغزيندان آخير ياشي ، حيرصيندن اونو اوتمور
بير گون كئچه رك آيري ، بير موشتري امر ائيلير
آچ آغزيوي گؤر زرگر، ايندي سنيله نئيلير؟
زرگر دئمه لي ايستير ، جينسين عيارين بيلسين
چكسين محكه اوول ، سونرا اونو بير سيلسين
آنجاق گتيرير گونده ، بير موشتري ني ساتسين
ديش صابي مجال تاپمير، بير آن گئجه ده ياتسين
هردن گتيرير بير شئي : زحمتدي بونو ديشله !
قويما كوته له ديش لر، هر دن ده بير آز ايشله
سينديرما بادام پوسته ، يوخسا ديشيوي لاخلار
ديشلرده امانت دير ، مؤمون اونو خوش ساخلار
اوقدر وئرير زحمت ، ديش صابي دويور جاندان
ايستير كي اؤزو آلسين ، ايندي ديشيني اوندان
چوخلو ويريلير چانه ، انگي يورولور آنجاق
هم نفع وئرير رينده ، هم ده چكيري دانلاق
اينساني تاماح ائيله ر ، روسوا هر ايكي دونيا
تبريزلي ممي چكدي نظمه بو سؤزو گويا ! .
قويما كيتاب باغلانسين
آمانين بير گونو دور قويما سازيم پاسلانسين
ياكي شيطان تورو هر بير سيمينه آسلانسين
سازيمين تئللري گويا كي اوره ك بندي ديلر
نه تهر زخمه وورورسان كي اوره ك آز يانسين
مين چتين ليكله اوره ك گوزگوسونو سيلميشديم
رحمون اولسون داها قويما تازادان كاسلانسين
اوره گيم بولبولو تازه ديل آچيب سوز دئيير ي
ديلي آغزيندا نه دن اود توتوبان اودلانسين ؟
هله بير سوز دئمه ييب كي قولاغيندان بوروسان
قوي باشي باشلار ايچينده هله بير قوزانسين
قوي دوشنسين بوتوكان بيرجه گوره ك جينسي نه دير
چوخلو تئز دير بو توكان آچيلماميش باغلانسين
سوز دئمك چاغلاريمين گوللو چيچك يازلاري دير
گور روادير كي كولك قوپوب باغيم قارلانسين ؟
اليمه ايندي ميداد توتماغي من اويره نيره م
نئجه اينصاف ائله يير سن كي حاليم كورلانسين ؟
من بو سوز جئيراني ني تازه چيخاتديم سووارام
بير آغيز سو ايچمه ييبدير ، تشنه لب اوخلانسين ؟
آي ممي سن دئه سوزون ياز كيتابا قوي قالسين
سوز سوز اولسا ،قالاجاق قويما كيتاب باغلانسين
بعضي شاطيرلارا خيطاب
شاطير اوغلان سنه يوخدور مو بيري ديللنسين ؟
اورتا يانميش ، قيراغي خميرلره زيللنسين ؟
بئش دانا لازيم اولان آلمالي دير اون بئشيــــني
يـاري سيندان يوخاري تليس لره تللنسين
نه هامار يئردي بو يئر ! سن كوره كيله بــــئلله
يوموشاق يئرده گره ك بير بئليله بئللنسين
نعمتين قدريني بيل ، نعمته كوفران ائـــــله مه
ييخما نعمت داميني قويما ديره ك شللنسين
قافاسين دولدوروسان دوزيله ، بيچاره خمـــير
فورصتي يوخدو اونون كي يئتيشيب،اللنسين
چوخلو يارديم اولونور خالق جيبيندن چوره يه
شاطيرين بورنودئمك نه واختادك يئللنسين؟
گاهي آشپز باشي تك باشينا آغ بورك قويـور
ايسته مير ساچلاريني بير داها سـونبوللنسين
آمما آغزيندا كي سيغار كولو خاشخاش يئرينه
سپيلير كي كوره ك اوسته خميري كوللنسين
كاركاسيب موشتري نين كي نه تهر اولسا اولوب
تانيشين كين دئنه وردسته بيرآزگوللنسين
هئچ بير اوغلان دييه بيلمز گؤزون اوسته قاش وار
كيمسه جرات ائله سه،شوتله كؤيه ميللنسين
قوي گوده لسين گونو گوندن چؤره يين ائن بويودا
چوخ چوبانلار سو قاتيب دير سوته حددن آرتيق
واي اوگوندن كي سولار توپلانيبان سئللنسين
سن ده تبريزلي ممي گل سؤزه قويروق بزه مه
آغزيوي باغلا گينان قوي قاپي ايشگيللنسين
سؤزلريم كال بئيينه ائيله ر اثر؟
توربادان همده آخيردان يئييري
خئيردن قاچمادادير ائيليري شر
نه يئتيم مالي بيلير نه آلاهي
پايي آزدوشسه اولور چوخدا پكر
حتي رحم ائيله ميري دول قادينا
روزوسون رحم سيز البته كسر
نه دي بيلمير عؤمورو ائتدي هدر؟
بورجوواردير يئنه ده ويلاسالير
آغا دؤكتوردي ولي آل وئر ائدير
نييه بس تك آغادان سؤيله ييسن؟
باخ قولاخ دا نئچه جور حلقه سي وار
نييه دويمور بو بشر؟
شهوتين احوالي دا لاپ ائله دير
پري دن باشقا آلير شمسي ـ قمر
سؤز سؤزه گلسه دئير شرعي دي بو
يئتدي سيندن آز اولا يوخدو ثمر !
تكجه كي زر دييري ، زور دا ائله
بير ميزه قانع اولور مشدي صفر؟!
آقانين بيرباشي وار مين خيالي
ميز دؤشوندن بئله اولدوقجا امه ر!
قوخما دئ قيبله بيلير ميزي آغا
رئيسين گؤردو فنر اولدو كمر!
جوربه جور اولمالي دير ميزلري ده
دسمالين باخ زورونا، وئردي ثمر
بير مقام دان ساري بيلمير نه ائدير
چوخ وده ال بير اولور زوريله زر
زرينن زور كي وئريرلر ال اله
داغينان دا داها دولمور دره لر
تاماهين نه اوجو وار نه بوجاغي
يئل دئييل بو دئنه طوفان دي اسه ر
ممي هر دفعه تاپير بير تازا سؤز
سؤزلري سانكي توخوم دورسپه لر
25/1/87
فيل
ييخديلار ، اؤلدوردولر ، صاف قويماييب بير دامخاني
هر نه بوغدا آرپا وار ييغميشلار ائولردن بوتون
قولباغي ، سيرغا ، اوزوك آروادـ اوشاقدان آلديلار
اللي بئش جور ماليات باغلاندي خالقدان ييغماغا
بونه دير ؟ خانليق پايي! بوجيره دير سربازلارا
مال دولانسا كوچه ده بير جور عواريض باغلانار
داغلانان ماللار بوتون سركرده نين كي اولمالي
كيمسه گؤرسئيدي يوخو ، تئز مالياتين وئرمه لي
قويدولار مأمور بوتون هر بير ماوالين آغزينا
كيم يوبانسا موستراح دا ( ديركردين) وئرمه لي
هر نه اولدو بير طرف ، بير آيريسين دا آمما بيل
يونجادان ـ اوت دان نه كي تيخماق اولاردي فيل يئدي
مال ـ داوارلار آج قاليب ، بير گون بيري بير سؤز دئدي:
ـ ايش بئله گئتسه اؤلرلر هر نه كي وار مال ـ داوار
توپلاشاق بيرگه گئديب سركرده يه تعظيم ائده ك
بلكه بو فيل يوللانا اؤز يوردونا اؤز شهرينه
خورطومون بورجاق هامان داي يئرده قالميراوت ـ علف
هيم بير اولدو نئچچه سي ، اوشخص اولدو پئشقدم
پئشقدم ايستيردي كي ميللت وريندن سؤز دئسين
ايذن آليب تعظيم ايله واريد اولوب اؤپدو يئري
گؤردو كيم يوخ بير نفر ، گويا اكيلميش لر بوتون
سؤيله دي : ساغ قالسين عالم قيبله سي ايللر بويو
گلميشم خالقين ورينده ن عرض ائده م : عالي مقام
فيل قاليب تك دام دا ، آلله كي بينمز بو ايشي
تك قالار ال دن گئده ر ، ياس توتماغا يوخ حوصله
بيز اونا توي توتماغا الده ن آياق دان كئچمه لي
نظمه چكدي سؤيله دي بودفعه تبريزلي ممي
نه وئرميسيز آلانميسيز بير ـ بيرينيز دن آي باجي
يازيق گلين نه ايش گؤرور ، قاينانايا آجيق گلير
ايري اوتوروب دوز دانيشاق ، قانلي پيچاق ديلار بولار
اوغلونو گؤرجه يين آنا ، آغزين آچيب گؤزون يومار:
من بيلميرم بوگاي قيزي سن نه يه ساخليسان اوغول؟
اوچ روب چكيبدب چيخماغي سحر گيرميشدي حاماما
يول يئري ينده ائيله بيل ، گؤزلريمه تيكان باتير
نه سيل سوپور ده وارالي نه ايسه قاب ـ قاشيق يويور
آمما گلين دن نه دئييم ؟ بورنو شيشيب قوووخ كيمي
دئمك يئنه زيريلداييب ، گؤزلر اولوب دو قيرميزي
گؤرجك اري گلير ائوه ، اوره كله نير تئز آغلايير
باشلاييري گيلايه يه ، قاينانادان ، اوره ك دولوب
اينان كي ائيله ييب منه ، گئجه كيمي ايشيق گونو
ساغ گئديرم سول گؤرورو ، پيسليگيمي بول گؤرورو
من باشيما مئش قويورام ، اودا باشين فئر ائله يير
ساتاشجاغين گؤزو منه ، ياخشي مي دا پيس آنلايير
بيردن بيره قيشقيريري ، آچير آغزين يومور گؤزون:
نه وئرميسيز آلانميسيز ، منيم جانيم دان آي باجي
نه دير سبب اولانميسيز ، بير ــ بيريزه آنا ـ بالا ؟
آي ديشيم ، آي قوربانين اولسون آتام
قويماييبسان بو گئجه بير آن ياتام
صوبحه دك زوققولدادين ، قاچدي يوخوم
ياسديغا ديرناخيلا ويرديم شوخوم
ايلديريم شاخدي گؤزومدن ، بيلمه دين
گؤز ياشيم آخدي نئجه ، هئچ سيلمه دين
گاه قولاغه ويردي آغرين ، گاه گؤزه
گؤرموسن بيركيمسه بو درده دؤزه؟
گاهي چاي باسديم ديبه ن گاهي دا دوز
گاهي ايستي باغلاديم ، بير يول دا بوز
ائيله ديم بئش آلتي يول دا قرقره
قيزديريب قويدوم كيريش نئچه كره
قويمادي بير ذره ده آغرين سنين
نئيله ميشديم من سنه آخير لعين ؟
هر نه دخليم اولدو كوللون چئينه دين
هر نه آلديم سن ده نوشخار ائيله دين
گاه سني ميسواكلاديم ، گاهي يودوم
اولدو سن دن بي ايجازه شئي اودوم؟
بير عؤمور سن له يئديم من دوز چؤره ك
وار اگر بير حاق سؤزون سؤيله گؤره ك
حاق دئييبلر : قونشو پيس دي كؤچ قوتول
يوخ اگر آغرير ديشين ، چكدير اوغول
باخدي ـ باخدي ديش دئدي :گردينمه سم
خالق حئساب ائيلر كي تقصير كارمنم
آچدي آغزين سؤيله دي : آرام هارا؟
ائيله ييبسن عؤمرومو لاپ قاپ ـ قارا
اللي آتميش ايل نه دوشدو چنگيوه
سايمادين بوش بركي سالدين انگيوه
سينديريبسان من له گيرده كان بادام
سؤيله مك اولماز سنه اصلن آدام!
فينديق آلدين بير كره عؤمرونده سن
من سنه اولدوم او دم فينديق شيكن
پوسته ني سن من له خندان ائيله دين
ايندي بير آن آغريديم قان ائيله دين ؟
سن اوتوز ايل ايشله دين اولدون شيكست
دؤرد طرف دن اولموسان بازنيشست!
من يازيق آمما گره ك ده ايشله يم
آغ ـ قره ، بوش ـ برك نه وئرسن ديشله يم
دوشمه رم هئچ يادووا قيشقيرماسام
من نه چون سؤيله تقاعيد اولمارام ؟
دوستووام من ايسته مه دوستون اؤله
اينسان اؤزدوستون داداش آتماز چؤله
بير شيرين دن اؤترو اوت يوز بير آجي
گل سن آلله آز منه باخ قئيقاجي
بير ده كي منله اولويسان سؤيمه لي
اولماسام من گؤر نئجه سن گؤرمه لي
اولماساق بيزلركي آغزيندا ديشيك
هاممي سؤيله ر باخ گلير ديشلان پيشيك
اوندا دير كي ايش گوجون آخ ـ واي اولار
تيخديغين فيرني له شيرين چاي اولار
هر نه يين واردير آلار ديش دؤكتورو
آلماميش سيزليرسان آيليق گؤرمورو
داي اوزاتمام چوخ سؤزو مخلص عمي
عاقيل اينسان سورمه ير يئرده گمي
قوي ائشيتسين بونلاري ائللر جمي
نظمه چكسين بلكه تبريزلي ممي
بلكه ده اولدو قالارقي سؤزلري
آچدي بعضن ده يومولموش گؤزلري…
